"Вест Хэм" ярим ҳимоячиси Деклан Райс фаолиятини "Бавария"да давом эттириши мумкин, дея хабар беради журналист Флориан Плеттенберг.
Манба берган хабарга кўра, ярим ҳимоячи Мюнхен клуби бош мураббийи Томас Тухель билан телефон орқали мулоқот қилган. Футболчи "Бавария"га ўтишга тайёр.
Аввалроқ, "Арсенал" Райс учун 115 миллион евро тўлашга рози бўлгани хабар қилинганди.
24 ёшли англиялик футболчи 2017 йилнинг ёзидан буён “Вест Хэм” сафида тўп тепмоқда. Унинг амалдаги шартномаси 2024 йилнинг июнигача мўлжалланган.
Райс жорий мавсумда барча турнирларда 44 та ўйинда майдонга тушиб, 4 та гол урди ва 4 та голли узатмани амалга оширди.