Жорий мавсумдан «Машъал»да ишлаётган шифокор Алишер Абдураҳмонов ўз ишини сидқидилдан бажариб келмоқда. Яқинда у киши билан боғланганимизда футболчиларнинг ҳолати ҳақида сўзлаб берди.

— Кеча ҳаммамиз Янгиерда йиғилдик, - дейди Алишер ака. Йигитларнинг соғлиги жойида. Бизни хурсанд қилган жиҳати, Шуҳрат Муҳаммадиев жароҳатидан қутулиб умумий гуруҳга қўшилди. У охирги турларда жамоамизга ёрдам бериши мумкин. «Динамо» ёшлари билан кечган баҳсда ярим ҳимоячимиз Жамшид Ҳасанов қўлини синдириб олганди. Текширувдан ўтказганимизда анализ натижалари шуни кўрсатдики, Жамшид бир ойдан сал кўпроқ вақтини даволаниш билан ўтказади. Бундан кўриниб турибдики, катта эҳтимол билан у мавсумнинг қолган ўйинларини ўтказиб юборади.