Португалия терма жамоаси бош мураббийи Роберто Мартинес Криштиану Роналду ҳақида фикр билдирди. 38 ёшли ҳужумчи аввалроқ терма жамоанинг июнь ойидаги ўйинларига чақирув олганди.
Мартинеснинг сўзларига кўра, январь ойидаги тайинловдан сўнг у терма жамоадаги барча футболчилар, жумладан Роналду билан ҳам учрашган.
"Роналдуга келсак, у терма жамоадан кетишга тайёр эмас эди. У тайёр ва янги циклнинг бир қисми бўлишга тайёр эди, шунинг учун уни март ойида чақириш осон эди. Кейин аллақачон футбол қарорини қабул қилиш мумкин эди. Криштиану тўртта гол урди, етакчи ва сардор эди, жаҳон футболидаги бошқа ўйинчиларда бўлмаган тажрибани етказадиган одам эди. Буни кийиниш хонасида ишлатиш керак", - деди Мартинес talkSPORT нашрига.
