Мюнхеннинг “Бавария” клуби чап қанот ҳимоячиси Люка Эрнандес ўзини “Пари Сен-Жермен”га қўйиб юборишларини сўради.
Бир неча кун аввал маълум бўлганидек, парижликлар 27 ёшли футболчини қўлга киритишни жиддий мақсад қилган.
Миш-мишларга кўра, томонлар аллақачон келишувга эришган. Kickerнинг янгиланган маълумотларига кўра, француз яқинда "Бавария" раҳбариятидан келишувга аралашмасликни сўраган. У кетишга қарор қилди.
Люка Эрнандес «Бавария» сафига 2019 йилда «Атлетико»дан 80 миллион евро эвазига кўчиб ўтган эди.
Якунланган мавсумда у атиги 11 та баҳсда майдонга тушди, чунки Қатардаги жаҳон чемпионатида жиддий жароҳат олганди.
