Myunxenning “Bavariya” klubi chap qanot himoyachisi Lyuka Ernandes o‘zini “Pari Sen-Jermen”ga qo‘yib yuborishlarini so‘radi.
Bir necha kun avval ma’lum bo‘lganidek, parijliklar 27 yoshli futbolchini qo‘lga kiritishni jiddiy maqsad qilgan.
Mish-mishlarga ko‘ra, tomonlar allaqachon kelishuvga erishgan. Kickerning yangilangan ma’lumotlariga ko‘ra, fransuz yaqinda "Bavariya" rahbariyatidan kelishuvga aralashmaslikni so‘ragan. U ketishga qaror qildi.
Lyuka Ernandes «Bavariya» safiga 2019 yilda «Atletiko»dan 80 million yevro evaziga ko‘chib o‘tgan edi.
Yakunlangan mavsumda u atigi 11 ta bahsda maydonga tushdi, chunki Qatardagi jahon chempionatida jiddiy jarohat olgandi.
