"Реал" қанот ҳужумчиси Марко Асенсио мавсум охирида "ПСЖ"га ўтади, деб хабар беради AS.
Манбанинг хабарига кўра, 27 ёшли испаниялик яқин кунларда парижликлар билан шартнома имзолаши мумкин. Унинг "Реал" билан шартномаси мавсум охирида якунига етади. Мадридликлар раҳбарияти ярим ҳимоячига янги шартнома таклиф қилган, бироқ у жамоада муҳимроқ роль ўйнашни ҳоҳлагани учун уни рад этган.
Қанот ҳужумчиси 2015 йилдан бери "Реал"да ўйнаб келмоқда. Жорий мавсумда у клуб сафида барча турнирларда 50 та ўйинда майдонга тушиб, 12 та гол урди ва 8 та голли узатмани амалга оширди.
