"Real" qanot hujumchisi Marko Asensio mavsum oxirida "PSJ"ga o‘tadi, deb xabar beradi AS.

Manbaning xabariga ko‘ra, 27 yoshli ispaniyalik yaqin kunlarda parijliklar bilan shartnoma imzolashi mumkin. Uning "Real" bilan shartnomasi mavsum oxirida yakuniga yetadi. Madridliklar rahbariyati yarim himoyachiga yangi shartnoma taklif qilgan, biroq u jamoada muhimroq rol o‘ynashni hohlagani uchun uni rad etgan.

Qanot hujumchisi 2015 yildan beri "Real"da o‘ynab kelmoqda. Joriy mavsumda u klub safida barcha turnirlarda 50 ta o‘yinda maydonga tushib, 12 ta gol urdi va 8 ta golli uzatmani amalga oshirdi.