Яна бир кучли ярим ҳимоячи "Ливерпуль" қизиқишлари доирасида бўлиб турибди. Журналист Филипп Кесслернинг ижтимоий тармоқларда ёзишича, мерсисайдликлар Германия терма жамоаси ва "Бавария" ярим ҳимоячиси Леон Горетцка билан шартнома имзолашни режалаштирмоқда.
Ўз навбатида мюнхенлик гигант Горецкани сотиш вариантини кўриб чиқишга тайёр. Жамоа бош мураббийи Томас Тухель 28 ёшли ярим ҳимоячини кейинги режаларига киритмоқчи эмас. Леоннинг шартномаси 2026 йилнинг июнига қадар мўлжалланган ва унинг қиймати 65 миллион еврога баҳоланмоқда.
Бундеслига якунланган мавсумида Горетцка 27 та ўйинда майдонга тушиб, 3 та гол ва 2 та голли узатмани амалга оширди.
