Yana bir kuchli yarim himoyachi "Liverpul" qiziqishlari doirasida bo‘lib turibdi. Jurnalist Filipp Kesslerning ijtimoiy tarmoqlarda yozishicha, mersisaydliklar Germaniya terma jamoasi va "Bavariya" yarim himoyachisi Leon Goretska bilan shartnoma imzolashni rejalashtirmoqda.
O‘z navbatida myunxenlik gigant Goreskani sotish variantini ko‘rib chiqishga tayyor. Jamoa bosh murabbiyi Tomas Tuxel 28 yoshli yarim himoyachini keyingi rejalariga kiritmoqchi emas. Leonning shartnomasi 2026 yilning iyuniga qadar mo‘ljallangan va uning qiymati 65 million yevroga baholanmoqda.
Bundesliga yakunlangan mavsumida Goretska 27 ta o‘yinda maydonga tushib, 3 ta gol va 2 ta golli uzatmani amalga oshirdi.