The Guardian хабарига кўра, ҳимоячи Конор Коуди ижара муддати тугаганидан кейин "Эвертон"ни тарк этди. Клубда Англия терма жамоаси футболчисини "Вулверхэмптон"дан 5,625 миллион доллар (4,5 миллион фунт) эвазига сотиб олиш имконияти бор эди, аммо улар бундан фойдаланмади ва бошқа марказий ҳимоячи қидиради.

30 ёшли Коуди ўтган мавсумда "Эвертон" таркибида 25 ўйинда майдонга тушди, бироқ бош мураббий Фрэнк Лэмпард лавозимини тарк этиб, Шон Дайч тайинлангач, футболчи асосий таркибдаги ўрнини йўқотди.

Шунингдек, "Эвертон"ни Лиссабоннинг "Спортинг' клубидан ижара асосида ўйнаган португалиялик чап қанот ҳимоячиси Рубен Винагре ҳам тарк этди. Мавсум давомида у мерсисайдликлар таркибида атиги тўртта ўйин ўтказди.

“Эвертон” сўнгги турда “Борнмут”ни (1:0) мағлуб этиб, элитадаги ўрнини сақлаб қолди.