The Guardian xabariga ko‘ra, himoyachi Konor Koudi ijara muddati tugaganidan keyin "Everton"ni tark etdi. Klubda Angliya terma jamoasi futbolchisini "Vulverxempton"dan 5,625 million dollar (4,5 million funt) evaziga sotib olish imkoniyati bor edi, ammo ular bundan foydalanmadi va boshqa markaziy himoyachi qidiradi.
30 yoshli Koudi o‘tgan mavsumda "Everton" tarkibida 25 o‘yinda maydonga tushdi, biroq bosh murabbiy Frenk Lempard lavozimini tark etib, Shon Daych tayinlangach, futbolchi asosiy tarkibdagi o‘rnini yo‘qotdi.
Shuningdek, "Everton"ni Lissabonning "Sporting' klubidan ijara asosida o‘ynagan portugaliyalik chap qanot himoyachisi Ruben Vinagre ham tark etdi. Mavsum davomida u mersisaydliklar tarkibida atigi to‘rtta o‘yin o‘tkazdi.
“Everton” so‘nggi turda “Bornmut”ni (1:0) mag‘lub etib, elitadagi o‘rnini saqlab qoldi.