Франциялик ҳимоячи Уильям Салиба ёзда Лондоннинг “Арсенал” жамоасини тарк этиши мумкин.

Инсайдер Марк Ирвиннинг ижтимоий тармоқлар орқали хабар беришича, футболчининг маоши оширилган талаблари туфайли томонлар ҳалигача янги шартнома борасида келишиб олишмаган.

"Канонирлар" футболчига маошини 3 баробар оширишни таклиф қилишди, аммо бу Уильямга ёқмади. Агар томонлар муроса топа олмаса, лондонликлар ҳимоячини трансферга қўйиши мумкин.

Салибанинг "Арсенал" билан амалдаги шартномаси 2024 йилнинг ўрталарига қадар тузилган. Англия чемпионатининг сўнгги мавсумида Уильям 27 та ўйин ўтказиб, иккита гол ва битта голли узатмани амалга оширди.