“Атлетико” бош мураббийи Диего Симеоне мавсум охирида “Челси”даги ижара муддати тугайдиган Жоау Феликс билан боғлиқ вазият ҳақида гапирди.

"У қайтиши керак ва биз унга энг яхшисини беришимиз керак. Унда ажойиб шароит бор. У хоҳлаган нарса бўлади. У "Атлетико" футболчиси. Мен барча футболчилар билан яхши муносабатдаман, ҳеч ким билан муаммом йўқ.

Жароҳатлар борасида ундан омад юз ўгирди. Шундан сўнг Корреага асосий таркибдаги жойини ютқазиб қўйди. У қайси жамоада ўйнашидан қатъий назар уни ажойиб келажак кутмоқда.

Жоауни сотасизми? Бу клубга иқтисодий жиҳатдан фойдалими ёки йўқлигини кўриш керак. У "Барселона" учун жуда муҳим футболчи бўларди", - деди Симеоне.