"Манчестер Юнайтед" ҳужумчиси Воут Вегхорст Англия кубоги финалида "Манчестер Сити"га қарши ўйиндан умидлари билан ўртоқлашди.
"Гол ура олишимни биламан, шунчаки кубок финали учун голларимни сақлаб қўйгандим. Умид қиламанки, шанба куни “Манчестер Юнайтед” ғалаба қозонади.
Мен хотирамга ёқимли лаҳзаларни қолдиришни хоҳлайман", - дея Вегхорстнинг сўзларини келтиради «Манчестер Юнайтед» матбуот хизмати.
30 ёшли голландиялик футболчи жорий мавсумда инглиз клуби сафида барча турнирлар доирасида 30 та ўйинда майдонга тушиб, 2 та гол урди ва 3 та голли узатмани амалга оширди.
