"Manchester Yunayted" hujumchisi Vout Vegxorst Angliya kubogi finalida "Manchester Siti"ga qarshi o‘yindan umidlari bilan o‘rtoqlashdi.
"Gol ura olishimni bilaman, shunchaki kubok finali uchun gollarimni saqlab qo‘ygandim. Umid qilamanki, shanba kuni “Manchester Yunayted” g‘alaba qozonadi.
Men xotiramga yoqimli lahzalarni qoldirishni xohlayman", - deya Vegxorstning so‘zlarini keltiradi «Manchester Yunayted» matbuot xizmati.
30 yoshli gollandiyalik futbolchi joriy mavsumda ingliz klubi safida barcha turnirlar doirasida 30 ta o‘yinda maydonga tushib, 2 ta gol urdi va 3 ta golli uzatmani amalga oshirdi.
