Таниқли украиналик мураббий Виталий Кварцяний омадсиз мавсуми учун жиддий танқид қилинаётган Лондоннинг “Челси” клуби ярим ҳимоячиси Михаил Мудрик ҳақида гапирди.
“Мудрик кам ўйнади. Балки бир йилдан сўнг Европа ёки жаҳоннинг кучли ўнталик рейтингига кирар... Бунинг учун унинг салоҳияти бор. Аммо ҳозиргача у ўз клубида кам ўйнамоқда", - дейди Кварцяний.
Мудрик қишки трансфер ойнасида “Шахтёр”дан 70 миллион евро эвазига “Челси”га ўтган эди. У билан 2031 йилнинг ўрталарига қадар шартнома имзоланган.
Англия премьер-лигасининг сўнгги мавсумида Михаил 15 ўйин ўтказиб, иккита голли узатмани амалга оширган.
