Taniqli ukrainalik murabbiy Vitaliy Kvarsyaniy omadsiz mavsumi uchun jiddiy tanqid qilinayotgan Londonning “Chelsi” klubi yarim himoyachisi Mixail Mudrik haqida gapirdi.
“Mudrik kam o‘ynadi. Balki bir yildan so‘ng Yevropa yoki jahonning kuchli o‘ntalik reytingiga kirar... Buning uchun uning salohiyati bor. Ammo hozirgacha u o‘z klubida kam o‘ynamoqda", - deydi Kvarsyaniy.
Mudrik qishki transfer oynasida “Shaxtyor”dan 70 million yevro evaziga “Chelsi”ga o‘tgan edi. U bilan 2031 yilning o‘rtalariga qadar shartnoma imzolangan.
Angliya premyer-ligasining so‘nggi mavsumida Mixail 15 o‘yin o‘tkazib, ikkita golli uzatmani amalga oshirgan.