Лондоннинг “Челси” клуби билан шартномаси ниҳоясига етаётган ярим ҳимоячи Н'Голо Канте Европани тарк этиб, фаолиятини Яқин Шарқда давом эттириши мумкин.
Goal.com хабарига кўра, 32 ёшли ярим ҳимоячи хизматларига Саудия Арабистони чемпионати вакилларидан бири қизиқмоқда. Потенциал харидорнинг исми ҳозирча ошкор этилмаган.
Агар Канте "аристократлар" билан янги шартнома борасида бир қарорга келмаса, у ҳолда саудияликларнинг таклифини катта эҳтимол билан қабул қилади.
Франциялик футболчи 2016 йилнинг июлидан буён «Челси»да ўйнаб келмоқда. Англия премьер-лигасининг якунланган мавсумида Канте бор йўғи еттита ўйинда майдонга тушиб, голли узатмани амалга оширди ва сариқ карточка олди.
