Londonning “Chelsi” klubi bilan shartnomasi nihoyasiga yetayotgan yarim himoyachi N'Golo Kante Yevropani tark etib, faoliyatini Yaqin Sharqda davom ettirishi mumkin.
Goal.com xabariga ko‘ra, 32 yoshli yarim himoyachi xizmatlariga Saudiya Arabistoni chempionati vakillaridan biri qiziqmoqda. Potensial xaridorning ismi hozircha oshkor etilmagan.
Agar Kante "aristokratlar" bilan yangi shartnoma borasida bir qarorga kelmasa, u holda saudiyaliklarning taklifini katta ehtimol bilan qabul qiladi.
Fransiyalik futbolchi 2016 yilning iyulidan buyon «Chelsi»da o‘ynab kelmoqda. Angliya premyer-ligasining yakunlangan mavsumida Kante bor yo‘g‘i yettita o‘yinda maydonga tushib, golli uzatmani amalga oshirdi va sariq kartochka oldi.