Мадриднинг “Реал” клуби ҳамон “ПСЖ” ҳужумчиси Килиан Мбаппега қизиқиш билдиришда давом этмоқда. Бу ҳақда инсайдер Хосе Феликс Диас ижтимоий тармоқлар орқали маълум қилди.
Журналистга маълум бўлишича, "қироллик" клуби 24 ёшли футболчи билан 2024 йилнинг қишида у эркин бўлган пайти дастлабки келишувга эришмоқчи. Бошқа вариантларнинг иложи йўқдек кўринмоқда. Мбаппенинг парижликлар билан амалдаги шартномаси 2023/2024 йилги мавсум охирида якунига етади.
Лига 1нинг якунланган мавсумида Килиан 34 та ўйинда қатнашиб, 29 та гол ва 5 та голли узатмани амалга оширди.
