"Тоттенхэм" янги бош мураббий тайинланганидан кейин жамоа таркибини қайта қуришни режалаштирмоқда.

Жамоани Анге Постекоглу бошқариб бориши маълум қилинганди. The Telegraph хабарига кўра, "шпорлар" "Селтик"га 5 миллион фунтдан камроқ товон тўлайди. Келишув яқин орада эълон қилинади.

57 ёшли австралиялик қўл остида таркибни сезиларли даражада ўзгартириш режалаштирилган. "Тоттенхэм" Уго Льорис, Иван Перишич, Эрик Дайер, Бен Дэвис, Дэвинсон Санчес, Райан Сессеньонни қўйиб юборишга тайёр. Арно Данжума "Вильярреал"га қайтади. “Шпорлар” Клеман Ланглени ҳам “Барселона”га қайтариши мумкин.

Бундан ташқари, клуб бошқа жамоаларда ижарада тўп тепаётган Жовани Ло Чельсо, Серхио Регилон, Харри Уинксларни сотишга ҳаракат қилади. “Наполи”га ижарага берилган Тангуй Ндомбеле борасида ҳозирча бир қарорга келинмаган.