"Арсенал" ҳужумчиси Фоларин Балогун "Интер" ва "Милан"га керак.
21 ёшли футболчи Франциянинг “Реймс” клубида ижара асосида ўйнади ва мавсумни муваффақиятли якунлади.
Тахминларга кўра, ҳужумчининг "Арсенал"да келажаги йўқ, шунинг учун "канонирлар" уни яқинлашиб келаётган трансфер ойнасида сотишларига тўғри келади.
Daily Mail хабарига кўра, ҳозирда Балогун учун баҳсда Италиянинг "Интер" ва "Милан" клублари етакчилик қилмоқда.
"Рома" ҳам футболчига қизиқиш билдирмоқда. Аввалроқ футболчи учун курашда "Наполи" ва "РБ Лейпциг" ҳам даъвогарлар қаторида экани ҳақида хабар берган эдик.
Transfermarkt Фоларин Балогунни 25 миллион еврога баҳоламоқда.
