"Ан-Наср" ҳужумчиси Криштиану Роналду футбол клуби эгаси бўлишни хоҳлашини тан олди.
“Мен Испанияга кўп сармоя киритаман. Мен Испанияга жуда боғланганман. Бу ерда уйим бор ва шу ерда яшашга умид қиламан. Бу мен нафақага чиққанимда яшайдиган жойлардан бири бўлади. Фаолиятим тугагач, клубни сотиб олишни истисно этмайман. Мен футбол клубининг эгаси бўлишни хоҳлайман", - дея Роналду сўзларини келтиради Relevo.
Аввалроқ, ҳужумчи яна 2-3 йил футбол ўйнашни режалаштираётганини айтганди.
38 ёшли португалиялик футболчи 2023 йилнинг январидан буён “Ан-Наср”да тўп сурмоқда. Ўтган мавсумда у жамоа сафида 19 та ўйинда майдонга тушиб, 14 та гол урди ва 2 та голга ассистентлик қилди.