"Манчестер Юнайтед" ҳужум марказини кучайтириш имкониятларини излашда давом этмоқда. Журналист Лори Уитэуллнинг хабар беришича, айни пайтда “қизил иблислар” Франкфуртнинг “Айнтрахт” клуби ҳужумчиси Рандал Коло-Муанининг трансфери устида ишламоқда.
Манбага кўра, "Манчестер Юнайтед" спорт директори Жон Мурто Коло-Муани келишувини шахсан ўзи ҳал қилмоқда. Қайд этилишича, битим нархи 80 миллион еврони ташкил қилиши мумкин. Олдинроқ франциялик футболчига Мюнхеннинг "Бавария" клуби ҳам қизиқиш билдираётгани хабар қилинганди.
Коло-Муани ўтган мавсумни Германия Бундеслигасида 15 гол ва 11 голли узатма билан якунлади.