Норвегияда 10 нафар гроссмейстер иштирокидаги ўтказилаётган нуфузли «Norway Chess» турнири якунланишига бир тур қолди. Кеча спортчилар 8-тур баҳсларини ўтказишди.

Нодирбек Абдусатторов бу сафар АҚШлик спортчи Хикару Накамурага қарши оқ доналарда ўйнади. Асосий ўйиннинг 55-юришига келиб томонлар дурангга имзо чекишди.

Армагеддон деб номланган қўшимча партияда эса ҳамюртимиз ғалаба қозонишга муваффақ бўлди ҳамда ўз ҳисобига 1,5 очкони қўшиб қўйди.

Натижада Нодирбек очколарини 7,5 тага етказиб олди, аммо Абдусатторов ҳамон 9-поғонани эгаллаб турибди. У бугун бўлиб ўтадиган 9-тур доирасида Магнус Карлсенни асосий партияда мағлуб этса (қора доналарда), турнирни бироз юқорироқ поғонада якунлаши мумкин. Акс ҳолда ватандошимиз «Norway Chess» мусобақасида 9-ўрин билан чекланади.