"Интер" ҳужумчиси Эдин Жеко "Фенербахче"га ўтиши мумкин, дея хабар беради журналист Жанлука Ди Марцио.
Манбага кўра, 37 ёшли босниялик футболчи аллақачон турк клуби вакилларидан икки йиллик шартнома билан таклиф олган.
Қайд этилишича, футболчи “Интер”да қолишни истайди ва жамоа раҳбарияти билан мулоқотни кутмоқда.
Жорий мавсумда Жеко Италия клуби сафида 51 та ўйинда майдонга тушиб, 14 та гол урди ва 5 та голга ассистентлик қилди. Transfermarkt порталига кўра футболчининг нархи 4 миллион еврога баҳоланмоқда.