"Бавария" ярим ҳимоячиси Йозуа Киммих ушбу трансфер ойнасида Мюнхен жамоасини тарк этишни тезлаштирмоқчи.
Журналист Ферран Мартинеснинг ижтимоий тармоқларда ёзишича, германиялик ҳимоячи "Барселона" клубига ўтиш ниятида.
Эслатиб ўтамиз, Киммихнинг собиқ жамоадоши Роберт Левандовски ўтган ёзда худди шундай йўлдан борганди.
"Барселона" Йозуани Серхио Бускетс ўрнига асосий мақсад сифатида белгилаган, бироқ футболчининг "Бавария" билан мавжуд бўлган икки йиллик шартномаси трансферни қийинлаштирмоқда.
Эслатиб ўтамиз, "Барселона"да ҳам ҳозирда трансферларга катта маблағ сарфлашга имкон бермайдиган молиявий муаммолар мавжуд.