Ярим ҳимоячи Жоау Моутиньо фаолиятидаги кейинги қадами ҳақида ҳали бир қарорга келмаган.

Эслатиб ўтамиз, аввалроқ португалиялик ярим ҳимоячи Англиянинг "Вулверхэмптон" клубини эркин агент сифатида тарк этганди.

Журналист Фабрицио Романонинг ижтимоий тармоқларда ёзишича, Саудия Арабистони клублари Моутиньони таклиф қилишга қизиқиш билдирмоқда. Яқин кунларда футболчи барча вариантларни баҳолаб, қарор қабул қилади.

Эслатиб ўтамиз, Жоау 2018 йилдан буён "бўрилар" сафида Англия Премьер-лигасида ўйнаб келаётганди. Бунгача португалиялик футболчи "Монако", "Порту" ва "Спортинг" шарафларини ҳимоя қилган.

Моутиньо ўтган мавсумда 31 ўйинда 2 та голли узатмани амалга оширган.