"Ливерпуль" "Ницца" ярим ҳимоячиси Кефрен Тюрамнинг трансфери бўйича музокараларда қийинчиликларга дуч келмоқда.

Get French Football News нашри хабарига кўра, "Ливерпуль" ва "Ницца" ўртасидаги музокараларнинг дастлабки икки босқичи инглиз жамоаси учун жуда салбий бўлган.

Французлар ҳали ўз футболчисини сотишни исташмаяпти, аммо Кефреннинг ўзи раҳбариятга унинг трансферини тезлаштириш илтимоси билан мурожаат қилса, вазият барибир ўзгариши мумкин.

Тюрам - "Ливерпуль" бош мураббийи Юрген Клопп ярим ҳимоя чизиғини қайта қуриш доирасида жамоада кўрмоқчи бўлган футболчилардан бири. Аввалроқ "мерсисайдликлар" "Брайтон"дан Алексис Макаллистерни сотиб олишган.