Европа чемпионлар лигаси 2022/23 йилги мавсумининг ғолиби аниқланди. Истанбулдаги "Отатурк" стадионида бўлиб ўтган "Манчестер Сити" ва "Интер" клублари ўртасидаги ўйин тақдирини ягона гол ҳал этди.

Баҳснинг 68-дақиқасида "Сити" чап қанотдан ҳужум ташкил қилиб, жарима майдонига кирди. Дарвоза яқинига узатилган тўп "Интер" футболчисига тегиб ортга қайтди. Родри эса жарима майдонига кира солиб шундай зарба бердики, тўп устун ёнидан тўрга бориб тушди.

Бундан ташқари, ҳар икки жамоада гол уриш камида иккитадан яхши имкониятга эга бўлди. Эдерсон икки вазиятда қутқарган бўлса, бир вазиятда тўп тўсинга тегиб қайтди.

"Шаҳарликлар" сафида Холанд ва Фил Фоден томонидан яккама-якка вазиятда йўлланган зарбаларни эса Андре Онана қайтариб қолди.

Шу тариқа, "Манчестер Сити" ўз тарихида илк марта Чемпионлар лигасига ғолибига айланди. Жамоа мавсумни 3 та соврин билан якунлаб, "требл"га эришди.

Европа чемпионлар лигаси, Финал
"МАНЧЕСТЕР СИТИ" (Англия) - "ИНТЕР" (Италия) - 1:0 (0:0, 1:0)
Гол: 1:0 – 68 Родри.
Манчестер Сити – Эдерсон, Аке, Рубен Диаш, Аканджи, Стоунз (Уокер, 82), Гюндоган, де Брюйне (Фоден, 36), Грилиш, Бернарду Силва, Родри, Холанд.
Интер – Онана, Думфрис (Белланова, 76), Дармиан (Д`Амброзио, 84), Ачерби, Бастони (Гозенс, 76), Димарко, Брозович, Чалханоглу (Мхитарян, 84), Барелла, Джеко (Лукаку, 57), Мартинес.
Огоҳлантиришлар: Барелла (59), Лукаку (83), Онана (90), Холанд (90), Эдерсон (90), Индзаги (90).