"Челси" ҳужумчиси Пьер-Эмерик Обамеянг фаолиятини Саудия Арабистонида давом эттириши мумкин, деб хабар беради Sky Sports.
Манбага кўра, габонлик ҳужумчи хизматларига ҳозирда тўртта жамоа қизиқиш билдирмоқда.
Аввалроқ ОАВ пойтахт клуби янги мавсумда футболчини режаларига киритмагани ҳақида хабар берган эди.
33 ёшли футболчининг "Челси" билан шартномаси 2024 йилнинг 30 июнига қадар мўлжалланган. Transfermarkt уни етти миллион еврога баҳоламоқда.
Обамеянг жорий мавсумда барча турнирларда 21 та ўйинда майдонга тушди.













