Карло Анчелотти Бразилия терма жамоаси бош мураббийлигига асосий номзод бўлиб қолмоқда.
Diario Sport нашрининг UOL Esporte нашрига таяниб хабар беришича, Бразилия футбол конфедерасияси (CBF) президенти Эднальдо Родригес италиялик мутахассис билан учрашишдан умидвор.
Учрашув Барселонада бўлиб ўтадиган Бразилия ва Гвинея терма жамоалари ўртасидаги ўйиндан сўнг бўлиб ўтиши керак. Родригес "Реал" билан амалдаги шартномасига қарамай, Анчелоттини шу ёзда Бразилия терма жамоасини бошқаришга кўндирмоқчи.
Олдинроқ Анчелотти "Реал" билан шартномасининг сўнгги йилини ишлаб чиқмоқчилиги, шундан сўнг у Бразилия таклифини кўриб чиқиши мумкинлиги ҳақида хабар берилганди.
