Ижтимоий тармоқларда Стивен Жеррарднинг Саудия Арабистонига етиб келгани акс этган кадрлар тарқалди.
Аввалроқ ОАВда "Астон Вилла" ва "Рейнжерс" клубининг собиқ мураббийи Саудиянинг "Ал-Иттифоқ" клубини бошқариши мумкинлиги ҳақида хабарлар тарқалган эди. Тез орада келишув расман эълон қилиниши керак.
ОАВ англиялик мутахассисга Грециянинг "Олимпиакос" ва Туркиянинг "Трабзонспор" клубларидан ҳам қизиқиш билдираётгани ҳақида ёзган. Жеррард ўтган йилнинг октябрь ойида "Астон Вилла"дан кетган эди. Ўшандан бери у ишсиз. Стивен аввалроқ Шотландия “Рейнжерс”ини бошқарган, бунгача эса “Ливерпуль” ёшлар жамоасида ишлаган.
“Ал-Иттифоқ” ўтган мавсумни Саудия Арабистони чемпионати турнир жадвалида еттинчи ўринда якунлади. Жеррарддан кейин Унаи Эмери бошчилигидаги “Астон Вилла” АПЛда еттинчи ўринни эгаллади.
