"Манчестер Сити" марказий ҳужумчиси Эрлинг Холанд ижтимоий тармоқ орқали жамоанинг ўтган мавсумдаги муваффақиятини баҳолади.
"Шаҳарликлар" Чемпионлар лигаси, Премьер-лига ва Англия кубогини қўлга киритиш орқали треблга эришди.
"Бир йил олдин "Манчестер Сити" билан шартнома имзолагандим. Бир йил ичида мен требл ҳақидаги орзуимни рўёбга чиқардим.
Бу менинг ҳаётимдаги энг катта саёҳат эди. Клубга, жамоага ва мухлисларимизга ҳаммаси жойида бўлгани учун миннатдорчилик билдираман. Сити, олға", - деди футболчи ижтимоий тармоқларда.
2022/2023 йилги мавсумда Эрлинг 53 та ўйинда қатнашиб, 52 та гол ва 9 та голли узатмани амалга оширди.
