Каталониянинг "Барселона" клуби 2021 йилнинг ёзида "Манчестер Сити"дан кўчиб ўтгандан сўнг жамоада икки мавсум тўлиқ ўйнаган марказий ҳимоячи Эрик Гарсияни сотувга қўйди. Испаниялик футболчи аллақачон трансферга қўйилгани ҳақида Sport нашри хабар бермоқда.

Олдинроқ, "Барселона" бош мураббийи Хави Эрнандес Гарсияни ҳимоячи ярим ҳимоячи позициясига ўтказгагди. Бироқ, манбага кўра, каталонияликлар раҳбарияти барибир Эрикни сотишга қарор қилди.

Гарсиянинг трансферига даъвогарларнинг номлари ҳозирча маълум қилинмаган. Футболчининг ўзи аввалроқ ўйин амалиётидаги муаммоларга қарамай, "Барселона"да қолишни хоҳлаган.