Жуд Беллингҳам расман "Реал Мадрид" футболчисига айланди.
Мадридликлар ярим ҳимоячи билан 6 мавсумга шартнома имзолаганини маълум қилди.
Олдинроқ "Боруссия" 19 ёшли футболчи учун 103 миллион евро олишини маълум қилганди. Бонуслар ҳам тақдим этилади - трансфер суммасининг 30 фоизигача, яъни максимал 30,9 миллион евро.
Беллингем Дортмунднинг “Боруссия” клубига 2020 йилнинг июль ойида Бирмингемдан 25 миллион евро эвазига ўтган эди.
Германияда уч мавсум давомида инглиз футболчиси 132 ўйин ўтказиб, 24 гол урди, 25 голга ассистентлик қилди, 32 сариқ ва 1 қизил карточка олди.
