"Рома" бош мураббийи Жозе Моуриньо "Ал-Аҳли"нинг таклифини рад этди, дея хабар беради Sky Italia.
Манбага кўра, 14 июнь куни Моуриньо Саудия Арабистони клуби президенти Валид Муат билан ҳал қилувчи учрашув ўтказган ва унда 60 ёшли мутахассис “Ал-Аҳли”ни бошқариш таклифини рад этаётганини тасдиқлаган. У "Рома"да қолмоқчи.
Португалиялик мутахассис римликларни 2021 йилдан бери бошқариб келмоқда. Ўтган мавсумда “Рома” 63 очко билан А Серияда олтинчи ўринни эгаллади. "Бўрилар" шунингдек Европа Лигаси финалига чиқди ва “Севилья”га ютқазди (1:1, пенальтилар сериясида 1:4).
