"Ливерпуль" ҳимоячиси Ибраҳима Конате жамоасининг ўтган мавсумдаги натижалари ҳақида гапирди.
“Ким айбдор? Муаммо футболчиларда. Мавсум бошида муваффақиятсиз ҳаракат қилдик, бу биз учун жуда қийин бўлди. Лекин энди биз бу воқеаларни эсламаслигимиз керак. Биз хатолардан сабоқ олишимиз керак", — дея Конатенинг сўзларини келтирмоқда RMC Sport.
2022/23 йилги мавсумда франциялик футболчи барча мусобақаларни ҳисобга олган ҳолда 24 та ўйинда қатнашиб, 7 та сариқ карточка олган.