“Ливерпуль” ярим ҳимоячиси Тьяго Алькантара келаси йили жамоани тарк этади. The Athletic хабарига кўра, испаниялик футболчи шартномасини ишлаб чиқади ва 2024 йилнинг ёзида у эркин агент мақомига эга бўлади. "Қизиллар" Тьягога янги шартнома таклиф қилишмайди, чунки улар келажакни кўзлаган ҳолда ўрта чизиқни янгилашга қарор қилишган.
Айтиш жоизки, ярим ҳимоячилар Наби Кейта, Жеймс Милнер ва Алекс Окслейд-Чемберлен ёзда “Ливерпуль”ни тарк этишди.
Тьяго Алкантара “қизиллар”га 2020 йил сентябрида келиб қўшилган эди. Ўшандан бери ярим ҳимоячи 97 та ўйинда майдонга тушиб, 3 та гол урди ва 6 та голли узатмани амалга оширди.
