Қанот ҳужумчиси Жэйдон Санчо "Манчестер Юнайтед"да умидларни оқламади, шу боис у ёзда клубини ўзгартириши мумкин. Football Transfer хабарига кўра, "қизил иблислар" Санчонинг трансферидан 60 млн евро ишлаб олмоқчи.
Қайд этилишича, 23 ёшли Санчога "Астон Вилла" қизиқиш билдирмоқда. Бирмингемликлар музокаралар доирасида нархларни пасайтиришни сўрайди.
Санчо 2022/2023 йилги мавсумда “Манчестер Юнайтед” сафида 41 та ўйинда майдонга тушган. Уларда вингер еттита гол урди ва шерикларига учта самарали узатма берди.