"Ювентус" Федерико Кьеза билан шартномани сўралган шартлар асосида узайтирмоқчи эмас.
Қанот футболчисининг "кекса синёра" билан амалдаги шартномаси 2025 йилнинг ўрталарига қадар тузилган.
La Gazzetta dello Sport хабарига кўра, Кьеза янги шартнома шартларига кўра йилига 8 миллион евро маош олмоқчи, "Ювентус" бу талабни бажаришга тайёр эмас.
Миш-мишлар 25 ёшли футболчининг Турин клубини тарк этиши билан боғлиқ. Федерико Кьезага Англиянинг "Арсенал", "Ньюкасл" ва "Манчестер Юнайтед" клублари қизиқиш билдирмоқда. Transfermarkt экспертлари италиялик футболчининг нархини 40 миллион еврога баҳоламоқда.
