Ярим ҳимоячи Матео Ковачич "Челси"ни "Манчестер Сити"га алмаштиради.
ESPN нашри хабарига кўра, келишув яқин бир неча ҳафта ичида, яъни июнь ойи охиригача расмийлаштирилади.
Манбага кўра, Ковачичнинг трансфер қиймати тахминан 40 миллион еврони ташкил қилади. 29 ёшли хорватиялик футболчи шахсий шартнома бўйича ҳам кўп масалаларда келишиб олган. Клублар ўртасидаги музокаралар футболчи Хорватия терма жамоасидан қайтганидан кейин ҳал бўлиши мумкин.
Қайд этилишича, ҳал этилмаган масалалардан бири бадал миқдоридир. "Челси" 30 июнгача имкон қадар кўпроқ пул олиши муҳим, шунда бу сумма тўлиқ йиллик солиқ тўловларига ўтади. Бу "кўклар"га йўқотишларни камайтиришга ёрдам беради.
