Yarim himoyachi Mateo Kovachich "Chelsi"ni "Manchester Siti"ga almashtiradi.

ESPN nashri xabariga ko‘ra, kelishuv yaqin bir necha hafta ichida, ya’ni iyun oyi oxirigacha rasmiylashtiriladi.

Manbaga ko‘ra, Kovachichning transfer qiymati taxminan 40 million yevroni tashkil qiladi. 29 yoshli xorvatiyalik futbolchi shaxsiy shartnoma bo‘yicha ham ko‘p masalalarda kelishib olgan. Klublar o‘rtasidagi muzokaralar futbolchi Xorvatiya terma jamoasidan qaytganidan keyin hal bo‘lishi mumkin.

Qayd etilishicha, hal etilmagan masalalardan biri badal miqdoridir. "Chelsi" 30 iyungacha imkon qadar ko‘proq pul olishi muhim, shunda bu summa to‘liq yillik soliq to‘lovlariga o‘tadi. Bu "ko‘klar"ga yo‘qotishlarni kamaytirishga yordam beradi.