Мёнхенгладбахнинг "Боруссия" клуби ҳужумчиси Маркус Тюрам "Лейпциг"га қизиқиш билдирмоқда.

Франциялик футболчи клуби билан муддати тугайдиган шартномасини узайтиришдан бош тортди. "Милан", "Интер", "ПСЖ" ва бошқа бир қатор клублар 25 ёшли ҳужумчини эркин агент сифатида сотиб олишга тайёр. Инсайдер Флориан Плеттенбергнинг сўзларига кўра, "Лейпциг" Тюрам учун курашга кирган. "Қизил буқалар" вакиллари аллақачон футболчининг атрофдагилар билан боғланишган. Ҳужумчи бонус сифатида тахминан 10 миллион евро сўрамоқда.

Маркус Тюрам Бундеслиганинг сўнгги мавсумида "Боруссия Мёнхенгладбах" сафида 30 ўйинда майдонга тушиб, 13 та гол урди.