"Реал" бош мураббийи Карло Анчелотти вазиятдан мамнун эмас.

Мутахассис Бразилия футбол федерациясининг қизиқишига қарамай, келаси мавсумда "қаймоқранглилар"нинг бош мураббийи бўлиб ишлаш ниятида, бироқ италиялик бошқарувчи ва "Реал Мадрид" директорлар кенгаши ўртасидаги муносабатлар яхши эмас, деб хабар беради Relevo. Мутахассис клуб унинг трансферлар масаласидаги фикрини инобатга олмаётганидан норози. Анчелоттининг сўзларига кўра, Мадрид гранди раҳбарияти таркибни кучайтириш бўйича берган ваъдаларининг бир қисмини бажармаган.

Ўтган мавсумда Карло Анчелотти "Реал Мадрид" билан Қироллик кубогида ғалаба қозонган, шунингдек, жамоа билан Чемпионлар лигасининг ярим финалига қадар етиб борган ва Ла Лигада иккинчи ўринни эгаллаганди.