Мадриднинг “Реал” клуби ярим ҳимоячиси Дани Себальос клуб билан янги шартнома имзолашга яқин турибди.
Нуфузли футбол инсайдери Фабрицио Романо хабар беришича, "Реал Мадрид" Дани Себальос билан янги шартнома бўйича музокараларнинг сўнгги босқичида. Ярим ҳимоячи билан шартномани узайтириш бўйича келишув якунланиш арафасида, расмий имзоланишидан олдин муҳокама қилинадиган бир нечта якуний тафсилотлар қолган холос.
Испаниялик ярим ҳимоячи ўтган мавсумда "Реал" сафида барча турнирларда 46 та ўйинда майдонга тушди. У 1 та гол урди ва 9 та голли узатмани амалга оширди.
