Каталониянинг "Барселона" клуби "Реал Сосьедад" ярим ҳимоячиси Мартин Субимендини Серхио Бускетс ўрнига сотиб олмоқчи. Хави трансфер ғоясини агрессив равишда илгари сурмоқда.
Журналист Ферран Мартинеснинг сўзларига кўра, “кўк-анорранглилар” Субимендининг трансферга қизиқмаётгани ва “Реал Сосьедад”га содиқлигини кўрсатаётганидан ташвишда эмас. "Барселона" трансферни амалга ошириш йўлларини излашда давом этмоқда.
Эслатиб ўтамиз, Субимендининг шартномасида товон пули 60 миллион еврони ташкил этади. "Барселона" молиявий муаммолар сабаб бу миқдордаги пулни топа олиши даргумон.