«Реал» жорий ёзги трансфер пайтида Килиан Мбаппенинг трансфери борасида «ПСЖ» билан музокара олиб бормоқчи эмас.

"Marca" тарқатган хабарга кўра, франциялик футболчи ўз клубига мактуб йўллаб, амалдаги шартномани узайтирмаслигини маълум қилиши "қаймоқранглилар" учун кутилмаган воқеа бўлмади. "Реал" воқеаларни диққат билан кузатмоқда.

"Қироллик клуби"нинг Мбаппе борасидаги режаси қуйидагича: жамоа 2024 йилнинг январь ойида футболчига шартнома таклиф қилади. Агар Килиан бу таклифга рози бўлса, 24 ёшли ўйинчи билан дастлабки шартнома имзоланади. Натижада Мбаппе ёзда "Реал" сафига эркин агент сифатида ўтади.

Агар Мбаппе қишки таклифга дарҳол жавоб бермасдан "ўйин" қиладиган бўлса, мадридликлар ундан бутунлай воз кечишади.

Маълумотларга қараганда, «Реал» ҳар қандай ҳолатда ҳам «ПСЖ» билан музокарага киришмоқчи эмас.