"Барселона"нинг собиқ ярим ҳимоячиси Сеск Фабрегас "Интер Майами"нинг янги ҳужумчиси Лионель Мессини барча даврларнинг энг яхши футболчиси деб билишини айтди.
"Месси мен билан бир майдонда ўйнаган энг яхши футболчи. У - даҳо. У футбол тарихидаги энг буюк футболчи. Яқин келажакда бундай футболчини кўрмаймиз. Месси ўзига хос", - деди Фабрегас Goal нашрига.
35 ёшли Месси сўнгги икки мавсумни “ПСЖ”да ўтказди ва икки марта Франция чемпионлигини ва бир марта мамлакат Суперкубогини қўлга киритди. Ушбу ёзда аргентиналик футболчи эркин агент сифатида Париж клубини тарк этди ва Американинг “Интер Майами” клуби билан шартнома имзолади.
