Машҳур италиялик собиқ футболчи Альберто Аквилани "Пиза" бош мураббийига айланади. Журналист Жанлука ди Марцио ўзининг расмий сайти орқали бу борада келишувга эришиш ҳақида гапирди.
38 ёшли Аквилани учун бу биринчи жиддий мураббийлик иши бўлади. Мутахассис сўнгги уч йил давомида "Фиорентина" ёшлар жамоаси билан ишлаган ва яхши натижалар кўрсатган.
"Пиза" Б Серияда, яъни Италиянинг иккинчи олий дивизионида ўйнайди. Жамоа ўтган мавсумни 11-ўринда якунлаганди. Бир йил олдин эса "Пиза" плей-офф босқичида А Сериясида ўйнаш ҳуқуқи учун кураш олиб борди, аммо мағлуб бўлди.
